"ევროპული საქართველოს" თავმჯდომარე, გიგა ბოკერია ევროპარლამეტის დებატებზე ამბობს, რომ ევროპელი პოლიტიკოსების მხარდაჭერა ქვეყანამ ეფექტურად უნდა გამოიყენოს, თუმცა აღნიშნავს, რომ ამისთვის მთავრობის ინტერესია საჭირო - რაც არ არსებობს.
"ევროპარლამენტის დებატები აჩვენებს რომ საქართველოს ჯერ კიდევ ჰყავს კარგი ლობი, აქვს მხარდაჭერა ევროპის პოლიტიკურ კლასში და ეს მხარდაჭერა უნდა გამოვიყენოთ, ოღონდ ამის ეფექტურ გამოყენებას სჭირდება მთავრობა, რომელსაც აქვს ეს ინტერესი. ჩვენ დღეს ასეთი მთავრობა არ გვყავს, რომელსაც აქვს ეს ინტერესი, რომ ამ ისტორიული შესაძლებლობების მონაკვეთში, ჩვენ ნაბიჯი გადავდგათ უსაფრთხოებისკენ და თავისუფლებისკენ, ნატოს წევრობისკენ და ევროკავშირთან დაახლოებისკენ - ეს არის პრობლემა, რაზეც უნდა ვფოკუსირდეთ".- ამბობს ბოკერია.