„ეგ ყველასთვის ნათელი არის და უნდა იყოს, რომ ეს არის ქართული ოცნების ფრთა, რომელიც ახლა გააქტიურეს, რომ დაგვემუქრონ და სამოქალაქო დაპირისპირებითა და სისხლისღვრით დააშინონ საზოგადოება.
ეს არის ამათი თამაში, ზუსტად ისევე როგორც, ამ კრიზისის შემდეგ პირდაპირ ცდილობენ რუსეთის საფრთხის გამოყენებას, რომ აი ახლა ნახეთ შეიძლება რუსეთმა გამოიყენოს ძალა, როცა ამის წინაპირობა თვითონ შექმნეს, ანუ თვითონ ქმნიან წინაპირობას, რომლითაც მერე ჩვენი საზოგადოების დაშანტაჟებას ცდილობენ“ - ასე ეხმაურება „ევროპული საქართველოს“ თავმჯდომარე, გიგა ბოკერია ალტინფოს მიერ გამართულ აქციას.
„ეს სამარცხვინო პუტინისტების ხროვა ივანიშვილის ამ თამაშის ნაწილია და ის, რომ თან პარალელურად დასავლელ ელჩებს ხვდებიან როგორც გაირკვა და ისევ სურთ, რომ რაღაც ბუნდოვანება შეინარჩუნონ, ჩვენ, როგორც საზოგადოებამ, ამის საშუალება არ უნდა მივცეთ. ეს, ვისაც ახლა რუსთაველზე ვუყურებთ, მათი სახეა და ამას უნდა ვუთხრათ უარი, ოღონდ ეს უნდა გავაკეთოთ გონივრულად, ისე, რომ მათ არ დავაზიანებინოთ ქვეყანა, ხოლო ამას სჭირდება იმ მორალური უპირატესობის, რაც რუსთაველზე ვნახეთ თარგმნა პოლიტიკური ცვლილებების ენერგიაში და ამისთვის მზადება“ - განაცხადა გიგა ბოკერიამ.