BBC სკანდალის ცენტრში მას შემდეგ აღმოჩნდა, რაც საფეხბურთო გადაცემა Match of the Day-ის წამყვანმა, ყოფილმა ფეხბურთელმა გარი ლინეკერმა გამოაქვეყნა პოლიტიკური ტვიტი, სადაც ლინეკერი აკრიტიკებდა არალეგალურ მიგრაციასთან ბრძოლის შესახებ ბრიტანეთის მთავრობის ახალ მკაცრ გეგმებს.
ყოფილმა ფეხბურთელმა და ამჟამად პოპულარულმა კომენტატორმა გარი ლინეკერმა ტვიტერში დაწერა, რომ ხელისუფლების ფორმულირება მიგრანტების შესახებ, რომელებიც ქვეყანაში ლა-მანშის გავლით პატარა ნავებით შედიან, გერმანიის 30-იანი წლების რიტორიკის მსგავისია.
აღნიშნული პოსტის გამო, ლინეკერი მიუკერძოებლობის პრინციპის დარვევაში დაადანაშაულეს. მაუწყებელმა გადაწყვიტა დროებით ჩამოაშოროს ლინეკერი პოპულარულ გადაცემას, რომელიც პრემიერ-ლიგის საფეხბუთო მატჩებს განიხილავს.
სოლიდარობის ნიშნად, ლინეკერის კოლეგებმა უარი თქვეს გადაცემებში მონაწილეობაზე. ბოიკოტის შედეგად BBC-ის ტელეარხებსა და რადიოსადგურებზე რამდენიმე საათით საფეხბურთო მატჩების გაშუქება შეწყდა.
სამშაბათს, 7 მარტს, დიდი ბრიტანეთს შინაგან საქმეთა მინისტრმა სუელა ბრავერმანმა პარლამენტს გაუზიარა გეგმა, თუ როგორ აპირებენ ავტომატურად, თავშესაფრის მოთხოვნის უფლების გარეშე, გააძევონ მიგრანტები, რომლებიც ქვეყანაში არალეგალურად იმყოფებიან.
