შეცდომა იყო ამ პროექტის პირველი მოსმენით მიღება, არა იმიტომ, რომ ეს კანონპროექტი თავისი შინაარსით არ შეესაბამება ჩვენს დღევანდელ ინტერესს, არამედ იმიტომ, რომ, როგორც ჩანს, ჩვენ ვერ შევძელით საზოგადოებისთვის სწორედ მიტანა, - ამის შესახებ საპარლამენტო უმრავლესობის წევრმა, გიორგი კახიანმა უცხოეთის აგენტების კანონპროექტის შესახებ განაცხადა.
მისივე თქმით, კანონპროექტთან დაკავშირებით დეზინფორმაციამ თავისი გააკეთა.
„ფაქტია, რომ როდესაც ასეთი რეზონანსი მოჰყვება ამას და საზოგადოების მხრიდან ასეთი განწყობაა, ბუნებრივია, შეცდომა იყო ამ პროექტის პირველი მოსმენით მიღება არა იმიტომ, რომ ეს კანონპროექტი თავისი შინაარსით არ შეესაბამება ჩვენს დღევანდელ ინტერესს, არამედ იმიტომ, რომ, როგორც ჩანს, ჩვენ ვერ შევძელით საზოგადოებისთვის სწორედ მიტანა, რას ემსახურებოდა ეს კანონი, რა წერია მასში და იმ დეზინფორმაციამ, პრინციპში, თავისი გააკეთა“, – განაცხადა გიორგი კახიანმა.
ჩვენ თავის დროზე მხარი დავუჭირეთ კანონის ინიცირებას იმ გათვლით და დათქმით, რომ გაიგზავნებოდა ვენეციის კომისიაში. ეს პროცესი იქნებოდა დროში გაწელილი და შეიძლება გაგრძელებულიყო ნახევარი წელი. ამ ხნის განმავლობაში, ბუნებრივია, გაგრძელდებოდა მსჯელობა და თუ რამე იქნებოდა შესაცვლელი კანონში, შემდგომ ეტაპზე თავისუფლად შეიცვლებოდა. ამ მოლოდინით და ასეთი დათქმით მოხდა ინიცირება, მაგრამ ვინაიდან საზოგადოებაში ასეთი პროტესტი გამოიწვია, უნდა აღიარო, თქვა, რომ როგორც ჩანს, არასწორი იყო, რაღაც არასწორად გაკეთდა. ამიტომ ვფიქრობ, ამ შემთხვევაში, ჩვენ ძალიან ადეკვატური და პასუხისმგებლიანი გადაწყვეტილება მივიღეთ“, – განაცხადა გიორგი კახიანმა
