რუსეთი თავის მოქალაქეებს ურჩევს, თავი შეიკავონ საქართველოში მოგზაურობისგან. შესაბამისი მოწოდება რუსეთის ეკონომიკური განვითარების სამინისტროს ვებგვერდზე გამოქვეყნდა.
სამინისტრო არ აკონკრეტებს მიზეზს, თუ რატომ არ ურჩევს მოქალაქეებს საქართველოში მოგზაურობას. ამასთან, უწყება მოუწოდებს მათ, უკვე ვინც საქართველოშია, მოერიდონ თბილისისა და ბათუმის ისტორიულ უბნებს.
„რუსეთის ეკონომიკური განვითარების სამინისტრო რუსეთის მოქალაქეებს მოუწოდებს, თავი შეიკავონ საქართველოში მოგზაურობისგან. თუ უკვე ქვეყანაში იმყოფებით, გირჩევთ თავი აარიდოთ ხალხმრავალ ადგილებს, კონკრეტულად ბათუმისა და თბილისის ისტორიულ ცენტრებს“ - წერია სამინისტროს განცხადებაში.