მთავარი ამოსავალი წერტილი იყო, რომ რისკის ქვეშ არ დავაყენეთ თუნდაც ერთი იქ მყოფი ბავშვის ჯანმრთელობა და სიცოცხლე - მამუკა მდინარაძე
საპარლამენტო უმრავლესობა სრული შემადგენლობით ადასტურებს გადაწყვეტილებას და თავიდან ბოლომდე იზიარებს მას, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ კანონპროექტის გაწვევასთან დაკავშირებით განაცხადა.
„მთავარი ამოსავალი წერტილი იყო, რომ რისკის ქვეშ არ დავაყენეთ თუნდაც ერთი ადამიანის, თუნდაც ერთი იქ მყოფი ბავშვის ჯანმრთელობა და სიცოცხლე. როგორც ჩანდა, ამის რისკები შეიძლება, გაზრდილიყო მრავალ ფაქტორთან დაკავშირებით, მრავალი საფუძვლით. აქედან გამომდინარე, პირველი რიგის ამოცანად დავისახეთ, გვერდზე გადავდოთ ყველაფერი, ეს იყო მთავარი წითელი ხაზი, მთავარი წყალგამყოფი, რის გამოც ჩვენ არ გავრისკეთ ერთი ახალგაზრდის სიცოცხლე და ჯანმრთელობა“, – განაცხადა მდინარაძემ.
