არ დაგვვიწყებია ის, რომ ქართული ოცნება ხშირად აკეთებს განცხადებებს და შემდეგ იტყუება, -ამის შესახებ ოპოზიციონერი თამარ კორძაიამ განაცხადა.
„9 მარტს ქართველებმა სისხლი დაღვარეს იმიტომ, რომ ამ ქვეყანაში ჩვენ რუსული ენით არ გვესწავლა. დღეს, 9 მარტს ჩვენ მივიღეთ შედეგი, რომ ქართულმა ოცნებამ რუსული კანონი გაიწვია. ამიტომ, ჩვენი ქვეყნის დასაცავად სწორი მოთხოვნები და პოზიციონირება შედეგს ყოველთვის გამოიღებს და ამ სწორ მოთხოვნებს ჩვენი პარტნიორები ყოველთვის მხარს დაუჭერენ [...] ჩვენ არ დაგვვიწყებია ის, რომ ქართული ოცნება ხშირად აკეთებს განცხადებებს და შემდეგ იტყუება, თუნდაც, შარლ მიშელის შეთანხმებიდან გამოსვლა“, - განაცხადა კორძაიამ.
„ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის ერთობლივ განცხადებაში ნათქვამია, რომ საპარლამენტო უმრავლესობამ უცხოეთის აგენტების შესახებ კანონპროექტის გაწვევის გადაწყვეტილება მიიღო.
