კიევის დასავლეთ ნაწილში აფეთქებას ორი ადამიანი ემსხვერპლა, - ამის შესახებ დედაქალაქის მერმა ვიტალი კლიჩკომ განაცხადა.
"მორიგი აფეთქება დედაქალაქში. სვიატოშინსკის რაიონი. ყველა სამსახური შემთხვევის ადგილზე მიემართება. საცხოვრებელი კორპუსის ეზოში მანქანები იწვის. სვიატოშინსკის რაიონში ორი მსხვერპლია. ადგილზე ექიმები დახმარებას უწევენ",- ნათქვამია Telegram-ზე გამოქვეყნებულ პოსტში.
მანამდე კლიჩკომ განაცხადა, რომ აფეთქებების სერია მოხდა ჰოლოსიევსკის რაიონში სამხრეთ-დასავლეთ კიევში. მისივე თქმით, ქალაქის დაახლოებით 15% ელექტროენერგიის გარეშე იყო დარჩენილი.