ჩემი აზრით, გიორგი ვაშაძე რეჟიმის მოკავშირეა, – ამის შესახებ ყოფილი სახალხო დამცველი ნინო ლომჯარია სოციალურ ქსელში წერს.
„ჩემი აზრით, გიორგი ვაშაძე რეჟიმის მოკავშირეა. ეს არ ნიშნავს, რომ პარლამენტის წინ რაც მოხდა კანონიერია“, – წერს ნინო ლომჯარია.
„სტრატეგია აღმაშენებლის“ ლიდერმა, გიორგი ვაშაძემ რუსთაველის გამზირზე მიმდინარე აქციის მონაწილეებს მოუწოდა, პარლამენტის შენობას ალყა შემოარტყან. ამის შემდეგ აქციაზე ვითარება დაიძაბა. აქციის მონაწილეებსა და სამართალდამცველებს შორის დაპირისპირება დაიწყო. პოლიციამ დემონსტრანტების წინააღმდეგ წყლის ჭავლი გამოიყენა.