"სტრატეგია აღმაშენებლის" ლიდერმა, გიორგი ვაშაძემ ოპოზიციის შეთანხმებული მოთხოვნა გაახმოვანა - რუსული კანონპროექტის უკან გაწვევა პარლამენტიდან და გუშინ, აქციაზე დაკავებულების გათავისუფლება.
მისი თქმით, თუ ეს მოთხოვნები არ შესრულდება, სამოქმედო გეგმას შემდგომ წარადგენენ.
"ზუსტად ერთი საათი ველოდებით რუსეთის ინტერესების გამტარებლებს, რომ გააკეთონ განცხადება, რომ გაიხმეს კანონი პარლამენტიდან და გაათავისუფლეს გუშინ დაკავებული ადამიანები. სხვა შემთხვევაში, ჩვენ გადავალთ შემდგომ ნაბიჯებზე, თუ რა ნაბიჯი იქნება ეს, ერთ საათში. სანამ ველოდებით, ველოდებით", - განაცხადა ვაშაძემ.
