აშშ-ის სახელმწიფო დეპარტამენტის პრეს-სპიკერი ნედ პრაისი თანამდებობას მიმდინარე თვეში დატოვებს. ინფორმაციას Politico სახელმწიფო მდივნის, ენტონი ბლინკენის განცხადებაზე დაყრდნობით ავრცელებს.
„ამერიკასა და მთელ მსოფლიოში ხალხისთვის ნედ პრაისი ხშირად იყო აშშ-ის საგარეო პოლიტიკის სახე და ხმა. ის მუშაობდა უკიდურესი პროფესიონალიზმითა და კეთილსინდისიერებით. სახეკმწიფო დეპარტამენტის სახელით მადლობას ვუხდი ნედს მისი შესანიშნავი სამსახურისთვის“, - განაცხადა ბლინკენმა.
გავრცელებული ცნობით, ნედ პრაისი, რომელიც სახელმწიფო დეპარტამენტის სპიკერის თანამდებობას 2021 წლის იანვრიდან იკავებდა, სახელმწიფო დეპარატმენტში ახალ თანამდებობაზე უშუალოდ ბლინკენთან იმუშავებს.
