პარლამენტთან აქციის მონაწილეებმა ადგილზე მისულ სახალხო დამცველ ლევან იოსელიანს და ალეკო ელისაშვილს ფიზიკური შეურაცხყოფა მიაყენეს. აქციის მონაწილეებმა ლევან იოსელიანს რუსეთის მონა უწოდეს, კვერცხები ესროლეს და წყალი შეასხეს.
ომბუდსმენი აქციაზე ცოტა ხნის წინ მივიდა, შეკითხვაზე, შსს-ს გამოყენებული ძალა იყო თუ არა პროპორციული, თქვა, რომ "ამ წუთში კონკრეტულად ამ შეფასების გაკეთება გამიჭირდება [არის თუ არა გამოყენებული არაპროპოციული ძალა], იმიტომ, რომ ვეცნობი აქ არსებულ მდგომარეობას".
