ახლადარჩეული სახალხო დამცველი ლევან იოსელიანი პარლამენტთან მიმდინარე აქციაზე მივიდა.
„მოვინახულე ადამიანები, რომლებიც სასწრაფოსთან არიან და რომლებსაც გაზმა პრობლემები შეუქმნა მხედველობაზე... გავავრცელეთ განცხადება სახალხო დამცველის ოფისმა და მოვუწოდეთ შსს-ს, არ გამოიყენოს არაპროპორციული ძალა.
ამ წუთში კონკრეტულად ამ შეფასების გაკეთება გამიჭირდება [არის თუ არა გამოყენებული არაპროპოციული ძალა], იმიტომ, რომ ვეცნობი აქ არსებულ მდგომარეობას. დავრჩები მანამდე, სანამ ამ ადამიანების უსაფრთხოებას რაიმე ტიპის საფრთხე ემუქრება, ეს არის ძალიან მნიშვნელოვანი, ვიმყოფები აქ, ჩვენს მოქალაქეებთან ერთად“.
