დარბევა არ იქნება, დღეს შს მინისტრი არ არის გახარია, გომელაურია, - ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.
„სამართალდამცავი ორგანოები იმოქმედებენ პროპორციულობის პრინციპის დაცვით და იქ დარბევა არ იქნება. სადაც იქნება საჭირო პროპორციული ძალის გამოყენება, იქ იქნება ეს გამოყენებული, მათ შორის იმისათვის, რომ საფრთხე არ შეექმნათ სამართალდამცავი ორგანოების წარმომადგენლებს. დღეს შინაგან საქმეთა მინისტრი არ არის გახარია, არის გომელაური, რომელიც ყოველთვის იდგა მოწოდების სიმაღლეზე და დღესაც აუცილებლად იდგება მოწოდების სიმაღლეზე, ამაში პირველ რიგში იგულისხმება ის, რომ აუცილებლად იქნება დაცული თანაზომიერების პრინციპი“, - განაცხადა კობახიძემ.
