გარეჯი საქართველოას ავტორები აგერ მათგან განსხვავებულად მოფიქრალი საქართველოს მოზრდილ ნაწილზე ამბობენ უარს, მხოლოდ იმიტომ რომ ფიქრობენ ძალაუფლებას მხოლოდ ასე, საქართველოს რუსეთის ეზოდ ქცევით შეინარჩუნებენ, - ამის შესახებ არასამთავრობო ორგანიზაცია „სამოქალაქო იდეის“ თავმჯდომარე და თავდაცვის ყოფილი მინისტრი თინა ხიდაშელი სოციალურ ქსელში წერს.
მისი თქმით, „უცხოელი აგენტების“ კანონის მიღებით ან უკვე ვეღარ მიღებით, მთავარი ზიანი უკვე მიღწეულია, რადგან ქართველები ორ მტრულ ბანაკში არიან გადაჯგუფებული, რაც „ქართული ოცნების“ დამსახურებაა.
“ამ კანონის, მიღებით ან უკვე ვეღარ მიღებით, მთავარი შედეგი, მთავარი ზიანი უკვე სახეზეა. მორიგ ჯერზე ორ მტრულ ბანაკში გადაჯგუფებული ქართველობა, რუსების მონა მოღალატეეებად და ეკლესიის მაგინებელ-უსამშობლო მოღალატეეებად. ბრავო ოცნება, გილოცავთ! სახელისუფლებო სირეგვენის და სიბეცის, უფრო მაღალი სიმაღლის დაპყრობა შეძელით ვიდრე თქვენმა წინამორბედებმა.
ისტორიის მთელი ტრაგიზმი კი ის არის რომ ერთ დიდ აგენტების ქვეყანად ვიქცევით, სადაც ერთნი მეორეს მხოლოდ ასე მოიხსენიებენ. ხელისუფლება კი სწორედ ამგვარ მტრობას აქეზებს და ხელსუწყობს.
ქვეყანა გვაქვს გასამთლიანებელი სადღეგრძელოებიდან ასე მარტივად გადავექანებით ხოლმე მოსაკვეთია, მოღალატეა, გამყიდველია, ჩასაქოლია ხაზზე. ეს ხალხი, იგივე ხალხი რომელიც მის გვერდით ქუჩაზე, გვერდით სოფელში მაცხოვრებელს ასე მარტივად წირავს და ამარგინალებს, აფხაზებს და ოსებს ტრიბუნედან ეძახის დიდი შერიგება გვინდაო და მერე ბრაზდება არ გვიჯერებენ, არადა ყველაფერს ვაკეთებთო.
გარეჯი საქართველოას ავტორები აგერ მათგან განსხვავებულად მოფიქრალი საქართველოს მოზრდილ ნაწილზე ამბობენ უარს, მხოლოდ იმიტომ რომ ფიქრობენ ძალაუფლებას მხოლოდ ასე, საქართველოს რუსეთის ეზოდ ქცევით შეინარჩუნებენ“, - თინა ხიდაშელი.
