აშკარაა, ეს კანონი დაფუძნებულია რუსეთის და არა საქართველოს ინტერესებზე, - ამის შესახებ აშშ-ს სახელმწიფო მდივნის მოადგილემ, ტოდ რობინსონმა განაცხადა, რომელიც დღეს, 7 მარტს თბილისში ჩამოვიდა.
მისი თქმით, ეს კანონი არ ემსახურება ევროაატლანტიკური ინტეგრაციის პროცესს.
"აშკარაა, რომ ეს კანონი დაფუძნებულია რუსეთის და არა საქართველოს ინტერესებზე. ჩვენ მიგვაჩნია, რომ საქართველომ უფრო აქტიურად უნდა იმუშაოს ევროატლანტიკური ინტეგრაციისთვის. ეს კანონი ამას არ ემსახურება და რაც ყველაზე მთავარია, ქართველი ხალხი არ ფიქრობს, რომ ეს სწორია საქართველოსთვის. ამიტომ, ჩვენ მჭიდრო კავშირი გვექნება საქართველოს მთავრობასთან, რათა ამ ქვეყანამ მნიშვნელოვანი ნაბიჯები გადადგას ევროატლანტიკური ინტეგრაციისთვის", - თქვა ტოდ რობინსონმა.
რობინსონი საერთაშორისო კონფერენციის გახსნას ესწრება.