უკრაინის პრეზიდენტი ვოლოდიმირ ზელენსკი რუსი ოკუპანტების მიერ ტყვედ ჩავარდნილი უკრაინელი სამხედროს დახვრეტის შესახებ გავრცელებულ ვიდეოს ეხმიანება.
„დღეს გავრცელდა ვიდეო, მხეცურად როგორ მოკლეს სამხედრო, რომელმაც მამაცურად მათ უთხრა Слава Україні, მინდა რომ ჩვენ ყველამ ვუპასუხოთ მის სიტყვებს: „დიდება გმირს! დიდება გმირებს“ დიდება უკრაინას!“ ჩვენ ვიპოვით მკვლელებს“, - თქვა ზელენსკიმ.
მისი თქმით, ოკუპანტები კლავენ ერთი სიტყვისთვის და ოცნებისთვის უკრაინაზე.
რუსმა ოკუპანტებმა უკრაინელი სამხედრო Слава Україні-ს წარმოთქმისთვის დახვრიტეს. ვიდეო უკრაინულ მედიაში გავრცელდა.
კადრებში ჩანს ტყვე უკრაინელი ჯარისკაცი, რომელიც ამბობს: “დიდება უკრაინას“. ამის შემდეგ კი რუსები მას აგინებენ და ესვრიან.
