დიდი დანაკარგების ფონზე რუსეთი უკრაინაში ძველ ტექნიკას აგზავნის. ამის შესახებ ნათქვამია დიდი ბრიტანეთის თავდაცვის სამინისტროს მიმოხილვაში.
ბრიტანეთის დაზვერვის ანგარიშის თანახმად, რუსი სამხედროები აგრძელებენ 60 წლის ძირითადი Т-62-ის ტიპის საბრძოლო ტანკების გამოყენებას. არსებობს რეალური შესაძლებლობა იმისა, რომ 1-ლი გვარდიის სატანკო არმიის ქვედანაყოფებიც კი, რომლებიც რუსეთის მთავარ სატანკო შენაერთად არის მიჩნეული, გადაიარღდება Т-62-ზე, რათა შეავსოს დანაკარგები.
ბრიტანული დაზვერვა აღნიშნავს, რომ ბოლო პერიოდში უკრაინაში ასევე პირველად აღმოაჩინეს რუსული ჯავშანტრასპორტიორები БТР-50, რომლებიც შეიარაღებაში პირველად 1954 წელს ჩაეშვა.
2022 წლის ზაფხულის შემდეგ საცავიდან გამოიყვანეს Т-62 ტიპის 800-მდე ტანკი, ზოგიერთმა მათგანმა მიიღო მოდერნიზებული დამიზნების სისტემები, რომლებიც სავარაუდოდ, ღამით მათ ეფექტიანობას გაზრდის.
თუმცა, ბრიტანეთის დაზვერვა აღნიშნავს, რომ ორივე ამ ტიპის მანქანას ექნება თანამედროვე ბრძოლის ველზე უმარავი ნაკლი, მათ შორის თანამედრივე ასაფეთქებელი რეაქტიული ჯავშნის არარსებობის კუთხით.