პროკურატურა რუსი სამხედროების მიერ უკრაინის მოქალაქეების მიმართ სექსუალური ძალადობის 171 საქმეს იძიებს, დაზარალებულთა შორის 39 კაცია. ამის შესახებ უკრაინის პირველმა ლედიმ ოლენა ზელენსკამ ლვოვის კონფერენციაზე პანელური დისკუსიის დროს განაცხადა.
„ამ რიცხვის უკან მხოლოდ ქალები არ არიან - დაზარალებულთა შორს 39 კაცია, 13 არასრუწლოვანი, მათ შორის ერთი ბიჭი. ჩვენ ამ შემთხვევების შესახებ მხოლოდ იმიტომ ვიცით, რომ ამ ადამიანებმა იპოვეს ძალა ამაზე ელაპარაკათ. რამდენი იტანჯება ჩუმად, განსაკუთრებით ოკუპირებულ ტერიტორიებზე - ჩვენ ეს არ ვიცით“, - განაცხადა ზელენსკამ.
მან ხაზგასმით აღნიშნა, რომ მშვიდობიანი უკრაინელების მიმართ სექსუალური ძალადობის ფაქტები გვარწმუნებს იმაში, რომ ეს რუსული არმიის შეგნებული პოლიტიკაა.
„ეს მათი შეგნებული ფსიქოლოგიური და ფიზიკური იარაღია უკრაინელების წინააღმდეგ“, - აღნიშნა უკრაინის პირველმა ლედიმ.
