ლატვიის პრემიერ-მინისტრი კრიშიანის კარინიში დარწმუნებულია, რომ დასავლელი პარტნიორები უკრაინას საბრძოლო თვითმფრინავებს გადასცემენ და ეს მხოლოდ დროის საკითხია. ამის შესახებ მან Spiegel-თან ინტერვიუში განაცხადა.
„ჩვენ რომ ისინი გვქონდეს {საბრძოლო თვითმფრინავები}, გადავცემდით {უკრაინას}. საბრძოლო თვითმფრინავების მიწოდება მხოლოდ დროის საკითხია. მე ვერ ვხედავ მიზეზს, რატომ არ უნდა მისცეს დასავლეთმა თვითმფრინავები. თუ უკრაინელებს სჭირდებათ საბრძოლო თვითმფრინავები, უნდა მიიღომ. მათ უკვე არაერთხელ დაამტკიცეს, რომ სწრაფად სწავლობენ ახალი ტექნიკის მართვას“, - განაცხადა კარინიშმა.
ლატვიის პრემიერმა აღნიშნა, რომ ომი უკრაინის გამარჯვებით უნდა დამთავრდეს.
„დიახ, ერთი გამარჯვება, მეორის დამარცხებაა. როგორი იქნება ეს გამარჯვება - უკრაინელები გადაწყვეტენ, ჩვენი ამოცანაა დავეხმაროთ მათ მიზნის მიღწევაში. ჩვემ ლატვიელები, ვაწვდით მათ „სტინგერებს“, თვითმავალ ჰაუბიცებს, ვერტმფრენებს, ფორმას და მედიკამენტებს, ტანკები რომ გვქონდეს, ტანკებსაც მივაწვდიდით“, - აღნიშნა მან.
მანამდე უკრაინის საგარეო საქმეთა მინისტრმა განაცხადა, რომ დარწმუნებულია,რომ საბრძოლო თვითმფინავების მიწოდების საკითხი გადაწყდება. მისი თქმით, უკრაინა განსაკუთრებით დაინტერსებულია აშშ-ის, დიდი ბრიტანეთის, საფრანგეთისა და გერმანიის თვითმფრინავებით.
