ევროკომისიის პრეზიდენტის ურსულა ფონ დერ ლაიენის განცხადებით, საჭიროა არსებობდეს სპეციალური ტრიბუნალი, რომელიც განიხილავს რუსეთის აგრესიის დანაშაულს.
ამის შესახებ საუბარია ფონ დერ ლაიენის მიერ გავრცელებულ განცხადებაში.
„რუსეთის შეჭრამ უკრაინას ენით აუწერელი ტანჯვა მოუტანა. თითქმის ერთი წლის წინ მსოფლიომ აღმოაჩინა ბუჩის საშინელებები. მე თვითონ ვიყავი იქ და მოწმე გავხდი რუსული ძალების მიერ ჩადენილ სისასტიკის. სულ უფრო მეტი მტკიცებულებაა პირდაპირი თავდასხმების შესახებ მშვიდობიანი მოსახლეობის წინააღმდეგ, ასევე ენერგეტიკულ და სხვა ინფრასტრუქტურაზე. წამება, არასათანადო მოპყრობა, სექსუალური ძალადობა და სიკვდილით დასჯა - ეს დანაშაულები ჩადენილის რუსული ძალების მიერ. მათ ბავშვებიც არ დაინდეს. რუსეთმა პასუხი უნდა აგოს ამ საზარელ დანაშაულებზე. ჩვენ ყველაფერი უნდა გავაკეთოთ იმისათვის, რომ დამნაშავეები დაისაჯონ.
ევროკავშირი მხარს უჭერს საერთაშორისო სისხლის სამართლის სასამართლოს როლს. ჩვენ ასევე გვჯერა, რომ საჭიროა არსებობდეს სპეციალური ტრიბუნალი, რომელიც განიხილავს რუსეთის აგრესიის დანაშაულს.
და მე ვამაყობ, რომ ამ კონფერენციაზე, როგორც პირველი ნაბიჯი, თქვენ მოაწერთ ხელს შეთანხმებას ჰააგაში აგრესიის დანაშაულის დევნის საერთაშორისო ცენტრის შექმნის შესახებ.
ევროკავშირი გააგრძელებს მუშაობას ჩვენს პარტნიორებთან, რათა უზრუნველყოს რუსეთისთვის საფასურის გადახდა.
ჩვენ ერთად ვდგავართ უკრაინის სამართლიანობისთვის.