უკრაინაში რუსეთის აგრესიის დაწყებიდან 200 ათასზე მეტი რუსი ჯარისკაცი და 1800-ზე მეტი ოფიცერია მოკლული და დაჭრილი.
ამის შესახებ ევროპაში ნატო-ს გაერთიანებული ძალების მეთაურმა გენერალმა კრისტოფერ კავოლიმ განაცხადა. იუწყება Spiegel.
კავოლის თქმით, რუსეთმა უკვე დაკარგა 2 000 ტანკი, ასევე რუსეთის არმია დღეში საშუალოდ 23 ათასს საარტილერიო ჭურვს ხარჯავს.
მისივე თქმით, რუსეთის მიერ უკრაინაზე თავდასხმის შემდეგ ნატო ახალ რეალობას უნდა მოერგოს.
„თუ ვინმე მოდის ტანკით, თქვენც უნდა გქონდეთ ტანკები. თუმცა ცივი ომის ერთ-ერთი გაკვეთილი უკავშირდება იარაღის სიზუსტეს - ეს არის ის, რასაც აქვს მნიშვნელობა. ამის გარდა, მნიშვნელოვანია თავდაცვითი წარმოების სიმძლავრე. ომს იგებს ის, ვინც იარაღს სწრაფად აწარმოებს“, - თქვა კავოლიმ.
