ვაშინგტონში ამერიკის შეერთებული შტატების პრეზიდენტის, ჯო ბაიდენის და გერმანიის კანცლერის, ოლაფ შოლცის შეხვედრა გაიმართა.
ჯო ბაიდენი და ოლაფ შოლცი შეთანხმდნენ, რომ რუსეთი პასუხს აგებს უკრაინის წინააღმდეგ განხორციელებული აგრესიისთვის. ამის შესახებ ნათქვამია თეთრი სახლის მიერ გავრცელებულ ინფორმაციაში, რომელიც ლიდერების შეხვედრის შემდეგ გამოქვეყნდა. მათ ასევე განიხილეს უკრაინისათვის აუცილებელი მხარდაჭერა. მათ შორის სამხედრო, უსაფრთხოების, ეკონომიკურ და ჰუმანიტარულ სფეროებში.
“თქვენ გააქტიურდით და აღმოუჩინეთ უკრაინას კრიტიკულად საჭირო დახმარება. მე ვიტყოდი, რომ სამხედრო დახმარების გარდა თქვენ უკრაინელებს გაუწიეთ უდიდესი მორალური მხარდაჭერა“, - განაცხადა ბაიდენმა.
შოლცმა თავის მხრივ აღნიშნა, რომ გერმანია მხარს დაუჭერს უკრაინას იმდენ ხანს, რამდენიც საჭირო იქნება.
„ეს ძალიან მნიშვნელოვანი წელია რუსეთისგან მომდინარე საფრთხის გამო. ძალიან მნიშვნელოვანია, რომ ერთად ვიმოქმდეთ, გავაერთიანეთ ძალისხმევა და შესაძლებელი გავხადეთ უკრაინისთვის მეტად საჭირო დახმარება მთელი ამ დროის განმავლობაში“ - აღნიშნა შოლცმა.
შეხვედრის შემდეგ ლიდერებს ერთობლივი პრესკონფერენცია არ გაუმართავთ.