აშშ-მა უკრაინას 400 მილიონი დოლარის მოცულობის სამხედრო დახმარების ახალი პაკეტი გამოუყო. ამის შესახებ განაცხადა სახელმწიფო მდივანმა ენტონი ბლინკენმა.
"ეს პაკეტი მოიცავს მეტ საბრძოლო მასალასა და დამხმარე აღჭურვილობას მაღალი სიზუსტის ცეცხლსასროლი, საარტილერიო და ჯავშანტექნიკის ოპერაციებისთვის", - ნათქვამია თავდაცვის დეპარტამენტის განცხადებაში.
დახმარების ახალ პაკეტში შედის:
მაღალი მობილურობის საარტილერიო სარაკეტო სისტემების (HIMARS) ჭურვები;
155-მილიმეტრიანი საარტილერიო ჭურვები;
105-მილიმეტრიანი საარტილერიო ჭურვები;
25-მილიმეტრიანი ამუნიცია;
გადასასვლელების მოსაწყობი აღჭურვილობა ჯავშანტექნიკისთვის
ასაფეთქებელი მასალები და აღჭურვილობა წინაღობების გადასალახად
დიაგნოსტიკური აღჭურვილობა ავტოტექნიკის ტექნიკური მომსახურებისა და რემონტისთვის
სათადარიგო ნაწილები და სხვა აღჭურვილობა
უკრაინისთვის აშშ-ის მიერ გამოყოფილი სამხედრო დახმარების საერთო მოცულობა უკვე 3,5 მილიარდ დოლარს შეადგენს.