ყველა მოქალაქე, ვისაც მიაჩნია, რომ მისმა შვილმა თავისუფალ ქვეყანაში უნდა იცხოვროს და პლენარული სხდომის დღეს, როდესაც რუსული კანონის დამტკიცებას გეგმავს „ქართული ოცნება“, შევიკრიბოთ პარლამენტის წინ რაც შეიძლება მეტი ადამიანი და ხმამაღლა ვუთხრათ ყველას, მთელ მსოფლიოს, რომ ჩვენი არჩევანი არის ევროპა, თავისუფლება. ჩვენ არ ვაპირებთ, რომ ეს ქვეყანა დავუთმოთ რუსულ საოკუპაციო რეჟიმს, - ამის შესახებ ოპოზიციონერმა დეპუტატმა, სალომე სამადაშვილმა განაცხადა.
მისი თქმით, „ხალხის ძალის“ კანონი შეუძლებელს გახდის საქართველოს დაცულ, ევროპულ მომავალს.
„მინდა, დღეს მივმართო ჩვენს საზოგადოებას და საქართველოს უკლებლივ ყველა მოქალაქეს, ვისაც სურს, იცხოვროს თავისუფალ, ევროპულ სახელმწიფოში. ვნახეთ, რომ რუსეთის საოკუპაციო რეჟიმი „ქართული ოცნების“ სახით აპირებს, დაამტკიცოს პირველი მოსმენით რუსული კანონი. კანონი, რომელიც შეუძლებელს გახდის ამ ქვეყნის ევროპულ მომავალს. მინდა, ყველას ესმოდეს, ამ კანონის მიღება ნიშნავს დასრულებას ყველა ჩვენი გეგმის, რაც შეეხება ევროკავშირში ამ ქვეყნის მომავლის უზრუნველყოფას და სწორედ ამიტომ არის ეს რუსული კანონი. ეს კანონი გამოიწვევს განხეთქილებას და დაპირისპირებას საზოგადოებაში, რაც არის ასევე რუსეთის გეგმა. ამიტომ, „ლელო“ გამოდის ინიციატივით, გავერთიანდეთ მთელი საზოგადოება, ყველა მოქალაქე, ვისაც მიაჩნია, რომ მისმა შვილმა თავისუფალ ქვეყანაში უნდა იცხოვროს და პლენარული სხდომის დღეს, როდესაც რუსული კანონის დამტკიცებას გეგმავს „ქართული ოცნება“, შევიკრიბოთ პარლამენტის წინ რაც შეიძლება მეტი ადამიანი და ხმამაღლა ვუთხრათ ყველას, მთელ მსოფლიოს, რომ ჩვენი არჩევანი არის ევროპა, თავისუფლება. ჩვენ არ ვაპირებთ, რომ ეს ქვეყანა დავუთმოთ რუსულ საოკუპაციო რეჟიმს“, – განაცხადა სამადაშვილმა.
