"ჯიპებიდან“ შეიძლება არ ჩანს, მაგრამ გავიდეთ ქუჩაში, ნავთლუღის ბაზარში გავიაროთ, ხალხი ტალახში და წვიმაში რომ არის, იმას ფიქრობს, ოღონდ აგენტების კანონი მიიღონ, ესღა დარჩაო? სხვა დარდი, სხვა პრობლემა ქვეყანაში არ არის? – ამის შესახებ პარტია „მოქალაქეების ლიდერმა, ალეკო ელისაშვილმა საგარეო ურთიერთობათა და თავდაცვის კომიტეტების გაერთიანებულ სხდომაზე განაცხადა, სადაც „ხალხის ძალის“ კანონპროექტების განხილვა მიმდინარეობს.
მისივე თქმით, ქვეყანაში არაერთი პრობლემაა და პარლამენტმა იმაზე უნდა იზრუნოს.
„თბილისის ამქრის“ თავმჯდომარე ვიყავი, ხომ გიხაროდათ გუდიაშვილის მოედანი რომ კარგად გაკეთდა ჩემი და ჩემი მეგობრების ნერვების ხარჯზე, აგენტები ვიყავით ჩვენ და ჯაშუშები? „იმელის“ შენობა რომ დგას, საშიში რომ იყო აქციაზე, რამდენი იდექით ჩემთან ერთად? ჯაშუში ვიყავი, აგენტი ვიყავი? და ეს უნდა მიძახოთ მერე? სხვა დარდი არ არის ამ ქვეყანაში? რატომ აკეთებთ ამას ან ვერ ხვდებით, რომ სხვა პრობლემებია? კითხვა მაქვს მთავარი, ამდენი ხნის განმავლობაში სხვა პრობლემა ვერ დაინახეთ, და თან ჩვენი მეგობრები რომ გვეუბნებიან, ვისაც 30 წელია, ჩვენი ქვეყანა ხელისგულზე უჭირავს, რუსის ტანკი რომ თბილისში არ შემოვიდა, იმათი დამსახურებაა, აფხაზეთი და სამაჩაბლო რომ არ უღიარებიათ, იმათი დამსახურებაა. ვის-ვის და შენ ხომ კარგად მოგეხსენება, ნიკა, ჩვენი საგარეო საქმეთა მინისტრის კი არ ეშინიათ, ამერიკის შეერთებული შტატების საელჩოების ეშინიათ, რომ ყველას უთხრან, არ გაბედოთ“. - თქვა ელისაშვილმა.
ამასთან, ელისაშვილმა განაცხადა, რომ საქართველო რუსეთი არ გახდება.
„სულაც არ მინდა, ამაზე ვლაპარაკობდე, ვეტერანებზე მინდა, ვილაპარაკო. რა დროს ეს არის, რატომ აკეთებთ ამას, რას აკეთებთ და პერსპექტივას უკლავთ ამ ქვეყანას, მაშინ ალალად მითხარი და უფრო პატიოსანი კაცი იქნები, ეგეთი ხოში გვაქვს, რომ რუსეთში უნდა შევიყვანოთ ეს ქვეყანა? არ გახდება რუსეთი, ეს არის საქართველო, აღარ გახდება რუსეთი და რაც გინდათ, მიიღეთ“, – განაცხადა ალეკო ელისაშვილმა.