„ევროპელი სოციალისტების“ დეპუტატმა იურიდიულ საკითხთა კომიტეტზე განაცხადა, რომ ჯარში ყველამ უნდა იმსახუროს, მათ შორისსასულიერო პირებმაც.
„ყველამ უნდა იმსახუროს ჯარში, მათ შორის მღვდელმსახურებმა. გაიხადოს ის [ანაფორა], თუ არ გაიხდის, დილას მამაო ჩვენო წაიკითხოს და იაროს მაგათთან ერთად სანგრებში და იმას ქნას. რატომ არ უნდა იმას ქნას? მაგანაც უნდა იმსახუროს. ეს იქნება დიდი მოტივაცია, რომ მამაო, ჩვენთან ერთად მსახურობსო. მაგარი რაღაცა იქნება. გოგონებმაც უნდა იმსახურონ, ვისაც ექნება სურვილი და ამისთვის ყველაფერი უნდა იყოს მომზადებული.
ჯარიდან რომ ბრუნდება, იმას უკვე კარგი მეგობრები უნდა ჰყავდეს, მაგან უნდა იცოდეს მხარში დგომა, მაგან უნდა იცოდეს პირველად დახმარება, ფელშარის სპეციალობაც უნდა ჰქონდეს. ის უნდა იყოს გამოცვლილი კაცი და არა საყურეებით მოსვლა“, - თქვა ინჯიამ.
იურიდიულ საკითხთა კომიტეტის სხდომაზე თავდაცვის კოდექსში შესატან ცვლილებებს განიხილავენ.
