უკრაინის საგარეო საქმეთა მინისტრმა დმიტრო კულებამ საქართველოში ახალი ელჩის დანიშვნასთან დაკავშირებით ისაუბრა. მისი თქმით, პროცესი ფინალურ სტადიაზეა.
„საქართველოში ელჩის დანიშვნა ფინალურ სტადიაზეა, როდის წავა ის საქართველოში - ეს უკვე პოლიტიკური მომენტია, რადგან ელჩის ყოფნა ან არყოფნა ეს ყოველთვის პლიტიკური სიგნალია“, - აღნიშნა კულებამ.
მან განაცხადა, რომ კიევს არ გადაუდგამს ნაბიჯი თბილისთან ურთიეთობის გაუარესებისკენ.
„ჩვენ დიდი ინვესტიცია ჩავდეთ, რომ ჩვენი ურთიერთობები განვითარებულიყო. მინდა ვთქვა, რომ თუ უკრაინელი და ქართველი ხალხის ურთიერთობა უცვლელად მეგობრული და დადებითია, საქართველოს ხელისუფლებაზე იგივეს თქმა არ შეგვიძლია“, - განაცხადა კულებამ.
ამის მაგალითად მან მიხეილ სააკაშვილის საქმე მოიყვანა.
„სააკაშვილის საქმიდან დაწყებული, რომელსაც უბრალოდ კლავენ, აუცილებელია, ყველაფერს დავარქვათ სახელი… და დამთავრებული, ზოგადად, საქართველოს ხელისუფლების დამოკიდებულებით რუსეთის ფედერაციის მიმართ. არის კითხვები, არის პრობლემები, მაგრამ მათთან კომუნიკაციის საკმარისი არხები გვაქვს, რომ შევინარჩუნოთ ურთიერთობა და ვეცადოთ პრობლემების მოგვარებას“, – აღნიშნა დმიტრო კულებამ.