სამწუხაროდ, არ მახსენდება არც ერთი დემარში მაშინ, როდესაც მართლა აწამებდნენ პატიმრებს, როდესაც სააკშვილის პრეზიდენტობის პერიოდში მართლა ჯანდაცვის და არაადამიანური მოპყრობის გამო კვდებოდნენ პატიმრები, – ამის შესახებ საპარლამენტო უმრავლესობის წევრმა არჩილ თალაკვაძემ განაცხადა.
თალაკვაძის თქმით, საჭიროა ელჩებთან შეხვედრა და მათთან ერთად იმ არგუმენტების მეტად განხილვა, რაც სინამდვილეში არსებობს პატიმრობაში მყოფ სააკაშვილთან დაკავშირებით.
„მჯერა, რომ უახლოეს დღეებში ეს შეხვედრა შედგება. რაც შეეხება გადაყვანას, არაერთხელ გვითქვამს, რომ ყოველი იმ განცხადების უკან, რომელიც მის სამკურნალოდ გადაყვანაზე გვესმის, სინამდვილეში დგას გათავისუფლების მიზანი. მიზანი არის, როგორმე ის გაარიდონ მართლმსაჯულებას, რომელიც სამართლიანმა სასამართლომ, მათ შოროს სტრასბურგის სასამართლომ თავის გადაწყვეტილებაში აღნიშნა, რომ უხეშად დაირღვა კანონი და უმძიმეს დანაშაულებს ჰქონდა ადგილი. ყველამ უფრო მეტი ძალისმევა უნდა მიმართონ იმისკენ, რომ მან აღადგინოს სრულფასოვანი კვება, სრულფასოვანი თანამშრომლობა ექიმებთან მკურნალობის პროცესში. პრობლემა სწორედ ეს არის და არა მისი გათავისუფლება“, – განაცხადა არჩილ თალაკვაძემ.
საქართველოში ევროკავშირის ელჩმა პაველ ჰერჩინსკიმ ევროკავშირის 27 წევრი ქვეყნის სახელით, მიხეილ სააკაშვილთან დაკავშირებით იუსტიციის მინისტრს დემარში გადასცა.