ჩვენი პარტნიორების კაცრი და კრიტიკული განცხადებები კიდევ ერთხელ არის მცდელობა, გამოაფხიზლოს ხელისუფლება, რათა ამ ქვეყნის კურსი არ შეცვალოს და „ქართულმა ოცნებამ“ ამის გაკეთება ვერ გაბედოს, - ამის შესახებ „რესპუბლიკური პარტიის“ თავმჯდომარემ, ხათუნა სამნიძემ განაცხადა.
„ქართული ოცნება“ იმდენად არადემოკრატიულ ნაბიჯებს დგამს, უკვე დემონსტრაციულად, სხვადასხვა პოლიტიკური გადაწყვეტილებით, ნაბიჯებით ევროპის მიმართ იმდენად ზურგის შექცევის პროცესშია, რომ ყველა ჩვენი პარტნიორი გააქტიურდა და ძალიან მკაცრ განცხადებებს, ნაბიჯებს დგამს, რათა ეს ქვეყანა შემოატრიალოს, გადაარჩინოს. ჩვენი პარტნიორები მხარს უჭერენ ამ ქვეყნის გაერთიანებას ევროპულ ოჯახში და არ აქვს მნიშვნელობა, ვინ არის ხელისუფლებაში. მათი მკაცრი და კრიტიკული განცხადებები კიდევ ერთხელ არის მცდელობა, გამოაფხიზლოს ხელისუფლება, რათა ამ ქვეყნის კურსი არ შეცვალოს და „ქართულმა ოცნებამ“ ამის გაკეთება ვერ გაბედოს“, – განაცხადა ხათუნა სამნიძემ.
საქართველოში ევროკავშირის ელჩმა პაველ ჰერჩინსკიმ ევროკავშირის 27 წევრი ქვეყნის სახელით, მიხეილ სააკაშვილთან დაკავშირებით იუსტიციის მინისტრს დემარში გადასცა.