„ქართული ოცნების მიერ ინიცირებული ეს კანონი არის კიდევ ერთი მძიმე დასტური რეჟიმის რუსული დ ავტორიტარული ბუნებისა, თუმცა აქვე უნდა ვიცოდეთ, რომ მისი არ მიღება, გადადება ან ცვლილება ამ კანონში არის მეორადი, ეს არ შეცვლის არაფერს, არ იტყვის არაფერს რეჟიმის ბუნების ცვლილებაზე,“ - ასე ეხმაურება „ევროპული საქართველოს“ წევრი, ვახტანგ კალოიანი ქართული ოცნების მიერ რუსული კანონის დაინიცირებას.
„მნიშვნელოვანია, რომ მივაღწიოთ ერთიანობას იმ თვალსაზრისით, რომ ხელისუფლება შეიცვალოს, რადგა მთავარი გამოწვევა, რისი ასახვაც ეს კანონია გახლავთ ქვეყნის კურსის ცვლილება ევროპასა და დასავლეთისგან რუსეთისაკენ.
ამიტომ მთავარი ამოცანა არის ხელისუფლების ცვლილება, რადგან თავიდან ავიცილოთ მათ შორის ასეთი დრაკონული კანონების ინიცირება და მიღება“ - განაცხადა ვახტანგ კალოიანმა.