"საერთოდ, ძალიან ცუდი არის, როცა შენი უნიათობის გამო გარბიხარ პოლიტიკური ველიდან და თანამდებობიდან და მერე თავის გამართლება რომ გინდა, იწყებ იქ ნაგვის დაყრას, სადაც მთელი ცხოვრების განმავლობაში, თუკი რამეს მიაღწიე, გაჭამეს, გასვეს, ჩაგაცვეს და ხელი შეგიწყვეს, "- ამის შესახებ საქართველოს პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა ყოფილ პრემიერ-მინისტრზე, გიორგი გახარიაზე განაცხადა.
მისი თქმით, გახარიას განცხადებები ემსახურება იგივე დამაზიანებელ პოლიტიკას, რასაც სააკაშვილი.
"ხელმოცარული ადამიანი ფიქრობს, რომ ხმამაღალ და რადიკალურ განცხადებას თუ გავაკეთებ, იქნება, ქვეყნის შიგნით თუ არა, ქვეყნის გარეთ იმ პროექტის ხალხმა, რომელიც სააკაშვილს რეზოლუციაში ასახავს, იმათ მაინც დამიჭირონ მხარიო. მისი განცხადებები ემსახურება იგივე დამაზიანებელ პოლიტიკას, რასაც სააკაშვილი", - თქვა ქადაგიშვილმა.
გიორგი გახარიამ გუშინ, 17 თებერვალს გაავრცელა ვიდეომიმართვა, რომელსიც განაცხადა, რომ ივანიშვილისა და "ქართული ოცნების" ძალაუფლების გაძლიერებას თავადაც შეუწყო ხელი, რაც იყო მისი შეცდომა.
