„მოქალაქეების“ წევრი ალეკო ელისაშვილი საქართველოს ყოფილი პრეზიდენტის გიორგი მაგველაშვილის განცხადებას ეხმიანება და ამბიბს, რომ მისთვის ეს საქართველოს შეიარაღებული ძალების შეურაცხყოფაა.
"პოლიტიკა პოლიტიკაა, ვიღაცა გულზე გეხატება, ვიღაცა არა, მაგრამ ჯარს ყველამ თავი დაანებოს", – ამბობს ელისაშვილი.
მისი თქმით, ასეთი სიტყვები ყოფილმა მთავრსარდალმა არ უნდა თქვას.
„ეს არის შეურაცხყოფა ჩვენი თავდაცვისა და შეიარაღებული ძალების, ვინც დღემდე ღამე მსახურობს და ქვეყნის სადარაჯოზე დგას. თან მათ შეურაცხყოფას აყენებს ყოფილი მთავარსარდალი. როგორ შეიძლება ისეთი რამის თქმა, რომ ცოტა ხანში ქართული ჯარი რუსეთის მხარეს იბრძოლებს. ეს პირიდან ქართველ კაცს როგორ უნდა ამოგივიდეს? მით უმეტეს, ასეთი სიტყვები როგორ უნდა თქვას ყოფილმა მთავარსარდალმა და ყოფილმა პრეზიდენტმა?
არ ვიცი, ადამიანი იმაზე მეტად როგორ უნდა დაეცეს, რომ ქართულ ჯარზე თქვას ასეთი რამ. რომ წავიკითხე მარგველაშვილის ნათქვამი, თვალებს არ ვუჯერებდი. „ალტ ინფოში“ რომ ვიღაც სალახანები სხედან, ასეთ რამეს ისინი არ ამბობენ“,- განაცხადა ელისაშვილმა.
გიორგი მარგველაშვილმა ტვ პირველის ეთერში განაცხადა: „სამწუხაროდ, რეალური მგონია, რომ ქართული სახელმწიფო შეიარაღებული ძალებით დაეხმაროს რუსეთს და ქართველ ჯარისკაცებს მოუწოდოს, წავიდნენ და იომონ უკრაინაში“.