პრეზიდენტთან დაკავშირებით ისეთი ამბავია ატეხილი, რომ კულტურის სამინისტროს გენინსპექცია უვარდება და პრეზიდენტი მონანიებიდან პოსტავს, – ამის შესახებ „გირჩის“ ერთ-ერთმა ლიდერმა, ვახტანგ მეგრელიშვილმა საქართველოს პირველი არხის გადაცემაში „დღის თემა“ განაცხადა.

„ამ მდგომარეობაში, ჩემი აზრით, თუ მიხეილ სააკაშვილს ქალბატონი პრეზიდენტი შეიწყალებს, რაღაცნაირად, ლოგიკური იქნება ეს. „ქართული ოცნება“ ფაქტობრივად, ყველანაირად აიძულებს, თავს ესხმის პრეზიდენტს, რომ რამენაირად, ისე გააღიზიანოს, თუ გამოიყვანოს მდგომარეობიდან, რომ მან შეიძლება, ეს ნაბიჯი ამ გაბრაზების ფონზეც კი გადადგას. სუფთა ადამიანურად ვიძახი“, – განაცხადა მეგრელიშვილმა.

როგორც მეგრელიშვილმა აღნიშნა, ამის თქმის საშუალებას იძლევა ის არაადეკვატური პროცესი, რომელიც მიმდინარეობს.

„იმდენად არაადეკვატურია ის, რაც ხდება, უბრალოდ ვფიქრობ, რა შეიძლება, იყოს ამის პრაგმატული მოტივაცია და რატომ შეიძლება, ასე მოიქცე. ალბათ, თავისი ამომრჩევლის წინაშე რომ მოიცილოს ეს საკითხი და გადააკისროს სალომე ზურაბიშვილს. მე ასეთ მშვენიერ ვერსიას ვავითარებ. შეიძლება, ეს ყველაფერი, რაც მოგიყევით, ზღაპარია, მაგრამ მე ასე ვხედავ ამ სიტუაციებს“, – განაცხადა მეგრელიშვილმა.