საერთოდ, უნდა ითქვას, რომ სიძველის გადარჩენა არ არის ადვილი, - ამის შესახებ "ქართული ოცნების" დეპუტატმა და კულტურის კომიტეტის თავმჯდომარემ ელისო ბოლქვაძემ გელათზე საუბრისას ჟურნალისტებს უთხრა.
მისი თქმით, ყველა დოკუმენტს არ იცნობს და უნდა გაერკვიოს, იყო თუ არა შეცდომა დაშვებული რეაბილიტაციის დროს.
"საერთოდ, უნდა ითქვას, რომ სიძველის გადარჩენა არ არის ადვილი. აქ საჭიროა ისეთი ექსპერტები და ადამიანები, რომლებიც ამ თემას მოაგვარებენ - კლიმატიდან, სიძველიდან გამომდინარე. ეს თემები მტკივნეულია, მაგრამ მოგვარებადია. [არის თუ არა შეცდომა დაშვებული] მე უნდა გავერკვიო, ყველა დოკუმენტაციას არ ვიცნობ, არ გვაქვს ასეთი ფუნქცია, რომ ყველა დოკუმენტში გავერკვიოთ, რაშიც გავერკვიეთ და მივმართეთ კულტურის სამინისტროს, დამაჯერებელი პასუხები მივიღეთ. ჩვენ არ გაქვს იმის საფუძველი, რომ გავაჩინოთ ეჭვი. მე ვფიქრობ, უნდა დავიცადოთ... გელათს აზიანებს ყველაფერი და მოდით, ვიფიქროთ ჯერ გელათზე," - თქვა კულტურის კომიტეტის თავმჯდომარემ.
