ვანო მერაბიშვილი უკვე დიდი ხანია, ჩართულია იმ ბრძოლაში, რომლის მიზანია უკრაინის დეოკუპაცია, უკრაინის ომში გამარჯვება და პუტინის ხელისუფლების დამარცხება. კარგად გახსოვთ, რომ შემოდგომაზე ჩატარდა დიდი კონგრესი, რომელშიც ვანოც მონაწილეობდა, – ამის შესახებ „ნაციონალური მოძრაობის“ წევრმა, დიმიტრი შაშკინმა ჟურნალისტებს განუცხადა.
მისი თქმით, ვანო მერაბიშვილმა არაერთხელ განაცხადა, რომ არ აინტერესებს არანაირი თანამდებობები საქართველოში და „ნაციონალურ მოძრაობას“ მხარს უჭერს როგორც რიგითი წევრი.
„გუშინ ჩართვა ჰქონდა ჩვენს მეგობარ მარკ ფეიგანთან ერთად, რომელიც არის მიხეილ სააკაშვილის კარგი მეგობარი და ადამიანი, რომელიც დიდი ხნის განმავლობაში იცავდა ადამიანთა უფლებებს რუსეთში და ახლაც ყველაფერს აკეთებს, რათა პუტინის რეჟიმი დამარცხდეს. ვანო მერაბიშვილი დიდი ხნის განმავლობაში იყო შს მინისტრი, ასევე პრემიერ-მინისტრი. ეს ნიშნავს, რომ ძალიან ბევრი მეგობრები ჰყავს საზღვარგარეთ, ევროპაში, რომლებიც არიან ჩვენი ქვეყნის მეგობრებიც და მათთან ერთად ჩართულია ბრძოლაში, რომლის მიზანია პუტინის რეჟიმის დამარცხება.
„ერთიან ნაციონალურ მოძრაობას“ არჩეული ჰყავს თავმჯდომარე, რომელიც უპრეცედენტო დემოკრატიულო ფორმით აირჩა. თქვენ ვერ დამისახლებეთ ვერცერთ პარტიას, არა მხოლოდ საქართველოში, არამედ რეგიონში, რომელსაც ასეთი დემოკრატიული წესით ჰყავს არჩეული პარტიის თავმჯდომარე. ვანო მერაბიშვილმა არაერთხელ განაცხადა, რომ არ აინტერესებს არანაირი თანამდებობები საქართველოში და „ნაციონალურ მოძრაობას“ მხარს უჭერს როგორც რიგითი წევრი“, – განაცხადა დიმიტრი შაშკინმა.
შინაგან საქმეთა ყოფილმა მინისტრმა, ვანო მერაბიშვილმა მარკ ფეიგინის გადაცემა „ფეიგინ ლაივში“ განაცხადა, რომ დასავლეთის ზეწოლა უნდა წარიმართოს შიდა პროტესტების პარალელურად და რაც მეტი იქნება შიდა პროტესტი, საქართველოს დასავლელი მეგობრები უფრო გაბედულად იმოქმედებენ.
