უკრაინის არმიას ესაჭიროება 300-დან 500-მდე ტანკი რუსული ჯარების წინააღმდეგ კონტრშეტევის განსახორციელებლად - ამბობს უკრაინის პრეზიდენტმა ვოლოდიმირ ზელენსკიმ ბრიტანულ ტელეარხ Sky News-თან ინტერვიუში განაცხადა.
„ახლა გვჭირდება 300-500 ტანკი. ჩვენს ტერიტორიაზე, ჩვენს მიწაზე შეტევის განსახორციელებლად გვჭირდება ტანკები. ჩვენ გვჭირდება ჯავშანტექნიკა ჩვენი ხალხის დასაცავად. სულ ეს არის“, - განაცხადა სახელმწიფოს მეთაურმა.
ზელენსკის თქმით, ის შვებას გრძნობს მხოლოდ მაშინ, როდესაც იარაღს, რომელსაც უკრაინას აწვდიან მისი პარტნიორები, უკრაინელი სამხედროები ბრძოლის ველზე იყენებენ.
"ხანდახან იარაღის მიწოდება თვეობით გრძელდება. მე არავის ვადანაშაულებ, მაგრამ თქვენს კითხვაზე პასუხად, შვება მხოლოდ მას შემდეგ მოდის, რაც ჩვენი პარტნიორების მიერ მოწოდებული იარაღი უკვე გამოიყენება ჩვენი ჯარის მიერ“, - დასძინა პრეზიდენტმა.
შეგახსენებთ, 25 იანვარს ცნობილი გახდა, რომ გერმანიის ფედერაციული რესპუბლიკა უკრაინას "ლეოპარდის" ტიპის ტანკებს გადასცემს. გერმანიის თავდაცვის მინისტრმა, ბორის პისტორიუსმა ბუნდესტაგის ზღვრის დაცვის კომიტეტის სხდომაზე დააკონკრეტა, რომ Leopard 2-ის ტანკები გერმანიიდან უკრაინაში დაახლოებით სამ თვეში ჩავა.
იმავე დღეს, აშშ-ის პრეზიდენტმა ჯო ბაიდენმა კი ოფიციალურად გამოაცხადა, რომ ომში მყოფ ქვეყანას მიაწვდის ამერიკული წარმოების M1 Abrams-ის 31 ერთეულ ტანკს და სხვა სამხედრო ტექნიკას
მანამდე, ბრიტანეთის მთავრობამ გადაწყვიტა უკრაინას მიაწოდოს Challenger 2-ის საბრძოლო ტანკები - ოთხი ერთეული დაუყოვნებლივ, ხოლო რვა ცოტა მოგვიანებით.
