ირანში თავდაცვის მინისტრის ყოფილი მოადგილე, ალირეზა აკბარი სიკვდილით დასაჯეს - BBC-ის ცნობით, აკბარის ქვეყნის წინააღმდეგ ჯაშუშობაში ედებოდა ბრალი.
აკბარის ბრიტანეთისა და ირანის ორმაგი მოქალაქეობა ჰქონდა - განაჩენს, რომელიც 11 იანვარს გამოცხადდა, ბრიტანეთის საგარეო საქმეთა მდივანი, ჯეიმს კლევერი გამოეხმაურა და აღნიშნა, რომ ირანს სასჯელი უნდა შეეჩერებინა. ბრიტანეთი მიუთითებდა, რომ ბრალდებები პოლიტიკურად მოტივირებული იყო და მის დაუყოვნებლივ გათავისუფლებას ითხოვდა.
კვირის დასაწყისში ირანმა გამოაქვეყნა ვიდეო, სადაც ჩანს, რომ აკბარი დანაშაულს აღიარებს. როგორც ირანის დაზვერვის სამინისტრო აცხადებს, აკბარი ბრიტანეთის "ერთ-ერთი ყველაზე მნიშვნელოვანი აგენტი იყო ირანში". თუმცა BBC ოთხშაბათს გაავრცელა აკბარის აუდიოჩანაწერი, სადაც ის ამბობს, რომ დანაშაულის აღიარება წამების შედეგად აიძულეს.
