ირანში, სიკვდილით კიდევ 2 ადამიანი დასაჯეს. მათ ბრალად მაჰსა ამინის გარდაცვალების შემდეგ დაწყებული მასობრივი საპროტესტო აქციების დროს, რევოლუციურ გუშაგთა კორპუსთან აფილირებული ბასიჯის მოხალისეთა წევრის მკვლელობა ედებათ.
უცხოური მედიის ცნობით, ბრალდებულებს ადვოკატის აყვანისა და მათ წინააღმდეგ არსებული მტკიცებულებების გაცნობის უფლება არ მისცეს. მოვლენების პარალელურად კი ირანის უზენაესმა ლიდერმა, საპროტესტო გამოსვლებიდან თითქმის ოთხი თვის შემდეგ, პოლიციის ახალი უფროსი დანიშნა.
