წარმომადგენელთა პალატაში რესპუბლიკური პარტიის ლიდერი კევინ მაკარტი პარალის სპიკერად აირჩიეს. ამისთვის 15 კენჭისყრა გახდა საჭირო.
მაკარტიმ 216 ხმა მიიღო, მისმა დემოკრატმა კონკურენტმა ჰაკიმ ჯეფრისმა - 212. მაკარტიმ ამდენივე ხმა მიიღო კენჭისყრის წინა ტურშიც, მაგრამ გამარჯვებისთვის ეს საკმარისი ვერ გახდა. ბოლო ტურში 6-მა კონგრესმენმა არც ერთ კანდიდატს არ მისცა ხმა, რამაც მაკარტის გამარჯვება მოუტანა.
წარმომადგენელთა პალატის სპიკერი აშშ-ში მნიშვნელობით მესამე პოლიტიკური თანამდებობაა. ვიცე-პრეზიდენტის შემდეგ სწორედ სპიკერი პრეზიდენტობის რიგში.
პალატის დღის წესრიგს სწორედ სპიკერი და მისი მოადგილეები, ასევე კომიტეტის თავმჯდომარეები განსაზღვრავენ.
არსებობდა მოლოდინი, რომ მაკარტი ამ თანამდებობას ჯერ კიდევ სამშაბათს დაიკავებდა, თუმცა რესპუბლიკურ პარტიაში კონგრესმენის 20-წევრიანმა ჯგუფმა მას მხარი არ დაუჭირა. საბოლოოდ, რამდენიმე მათგანმა პოზიცია შეიცვალა.
ბოლო შემთხვევა, როდესაც პალატის სპიკერი კენჭისყრის პირველ ტურში ვერ აირჩიეს 1923 წელს მოხდა. მაშინ კანდიდატურის ასარჩევად 9 ტური გახდა საჭირო.
აშშ-ის პრეზიდენტმა ჯო ბაიდენმა მიულოცა მაკარტის არჩევა და რესპუბლიკელებთან მუშაობის მზაობა გამოთქვა.