იუსტიციის მინისტრმა რატი ბრეგაძემ იმ მიზეზების შესახებ ისაუბრა, რომელთა გამოც მსჯავრდებული მიხეილ სააკაშვილი სასამართლო პროცესზე არ გადაიყვანეს:
„სამედიცინო პერსონალმა არ გაუწია რეკომენდაცია მის გადაყვანას სასამართლოში და ჩვენ, შესაბამისად, დავემორჩილეთ ამ რეკომენდაციას. აქვე იმასაც გეტყვით, რომ მსგავსი ტიპის პრაქტიკა, რომ მსჯავრდებული გადიოდეს სამკურნალო დაწესებულებიდან სასამართლოში, არ არის, და საავადმყოფოში ის იმყოფება იმიტომ, რომ იმკურნალოს. შესაბამისად, სასამართლოში გასვლა არ არის რეკომენდებული. სასამართლოში გასვლა მაშინ არის რეკომენდებული, როდესაც პირი იმყოფება პენიტენციურ დაწესებულებაში“, − განაცხადა რატი ბრეგაძემ.
