ნარკოლოგმა თათა ასათიანმა „ალტერნატივა ჯორჯია“ მიერ ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიების ფარგლებში მიმდინარე „ფეისბუქლაივის“ დროს ისაუბრა ფსიქოაქტიური ნივთიერებების ეფექტების, მოხმარებასთან დაკავშირებული რისკებისა და საქართველოში ნარკოდამოკიდებულების სამკურნალო სერვისების შესახებ და ამასთანავე, მოქალაქეების შეკითხვებს უპასუხა.
თათა ასათიანი, ნარკოლოგი:
„ფსილოციბინი ეს არის ფსიქოდელიური საშუალება, დისოციაციურ ნარკოტიკსაც უწოდებენ ე.წ. ჰალუცინოგენი, რომელიც იწვევს, აღქმის, აზროვნების, ცნობიერების ცვლილებას იმ დონემდე, რომ ვითარდება ილიზუები და ჰალუცინაციური აშლილობები.
ფიზიკური დამოკიდებულება დისოციაციურ ნარკოტიკებზე ნამდვილად არ ყალიბდება. თუმცა ყალიბდება ფსიქოლოგიური დამოკიდებულება და არაერთი ფსიქიკური გართულება. მათ შორის, შფოთვითი აშლილობა, დეპრესიული სიმპტომატიკა, სუიციდის მცდელობები და ა.შ. ასე, რომ საკმაოდ საშიში ნარკოტიკია და მასთან არასერიოზული მიდგომა არ შეიძლება. ამას აქვს დამოკიდებულების პოტენციალი და აქვს გართულებები, როგორც ინტოქსიკაციის, ანუ თვითონ ზემოქმედების პერიოდში და ასევე, პოსტინტოქსიკაციური გართულებები, როდესაც ადამიანი გარკვეული რეგულარობით ამა თუ იმ ჰალუცინოგენს. მათ შორის, ფსილოციბინს“.
შეგახსენებთ, რომ „ალტერნატივა ჯორჯიამ“ ევროკავშირის ფინანსური მხარდაჭერით ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიება გამართა.
ღონისძიების დროს სკოლის მოსწავლეებს, მასწავლებლებს, მშობლებს და სხვა დაინტერესებულ პირებს შესაძლებლობა ჰქონდათ, დაესვათ შეკითხვები ნარკოტიკული საშუალებების მოხმარებასთან დაკავშირებით, რომელზეც დარგის ექსპერტებმა სამეცნიერო მტკიცებულებებზე დაფუძნებულ პასუხები გასცეს.
შეხვედრას მოდერაციას უწევდა ილიაუნის ასოცირებული პროფესორი და ნარკოლოგი დავით ოთიაშვილი;