ნარკოლოგმა თათა ასათიანმა „ალტერნატივა ჯორჯია“ მიერ ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიების ფარგლებში მიმდინარე „ფეისბუქლაივის“ დროს ისაუბრა ფსიქოაქტიური ნივთიერებების ეფექტების, მოხმარებასთან დაკავშირებული რისკებისა და საქართველოში ნარკოდამოკიდებულების სამკურნალო სერვისების შესახებ და ამასთანავე, მოქალაქეების შეკითხვებს უპასუხა.
შეკითხვა: შეიძლება კანაფის მოხმარებამ, დამოკიდებულება გამოიწვიოს? მარიხუანას რა სიხშირით მოწევაა საზიანო და რა ზიანი შეიძლება ჰქონდეს.
თათა ასათიანი, ნარკოლოგი: ყოველდღიური შეხება მაქვს მომხარებლებთან და უამრავი მითი არსებობს, განსაკუთრებით კანაბისის პროდუქტებთან დაკავშირებით. ერთი ის, რომ ეს არის ბალახი და აქედან გამომდინარე, არ არის ნარკოტიკი, რა პრობლემა უნდა შემიქმნას. და ასე შემდეგ. სამწუხაროდ, ეს ასე არ არის. კანაბისის პროდუქტები შეიცავენ ე.წ. ფიტოკანაბინოიდებს, რომელთაგან ყველაზე ძირითადი არის THC - ტეტრაჰიდროკანაბიდოლი, რომელიც განაპირობებს კანაბისის პროდუქტების ეფექტს, ეიფორიულ ეფექტს, დამოკიდებულების განვითარებას და ა.შ. და THC ერთ-ერთი ყველაზე ხანგძრლივმოქმედი ფსიქოაქტიური ნივთიერებაა, იმედნად დიდი, რომ მისი მოქმედების საშუალო ხანგრძლივობა გრძელდება 7 დღის განმავლობაში. ეს იმას ნიშნავს, რომ ადამიანი თუ კვირაში ორჯერ მოიხმარს კანაბისის პროდუქტებს, თუნდაც მარიხუანას, მისი ცენტრალური ნერვული სისტემა იმყოფება THC-ის მუდმივი ზემოქმედების ქვეშ. ეს ერთი. ასევე, კანაბილები მიეკუთვნება წყალში ცუდად ხსნად და ცხიმში კარგად ხსნად ნივთიერებებს. ამიტომ ის ლაგდება ცხიმის შიდა ქსოვილებში, ორგანოებში და საკმაოდ დიდხანს რჩება, იმდენად, რომ მისი აღმოჩენა 4-6 კვირის შემდეგაც შესაძლებელია. გააჩნია რამდენად ხშირად მომხმარებელია, რადგან შესაძლოა მისი აღმოჩენა 10-12 კვირის შემდეგაც მოხდეს.
ახლა, რაც შეეხება დამოკიდებულების განვითარებას. შემიძლია გითხრათ, რომ მარიხუანას ნაკლებად აქვს დამოკიდებულების განვითარების უნარი ოპიოიდებთან შედარებით, თუმცა დამოკიდებულება ნამდვილად ყალიბდება და ეს ძალიან მნიშვნელოანია, მარიხუანაზე დამოკიდებულებას ახასიათებს ეტაპობრივი განვითარება. ანუ რა ხდება, როდესაც ადამიანი იწყებს მარიხუანის მოხმარებას, პირველ რიგში ყალიბდება ჯგუფური დამოკიდებულება. ანუ, ამ ადამიანს მოხმარების სურვილი უჩნდება გარკვეულ ჯგუფში მოხვედრის შემთხვევაში. შემდეგ თანდათანობით პროგრესირებს ეს პრობლემა და ყალიბდება ინდივიდუალური ჯგუფური დამოკიდებულება, როდესაც ადამიანს კომფორტის მისაღწევად, ინდივიდუალურად, ჯგუფის გარეშეც სჭირდება მარიხუანა. აქ უკვე თავს იჩენს ისეთი ფსიქიკური პრობლემები, როგორიც არის აპათია, საერთო სისუსტე პროდუქტიულობის დაქვეითება, ასევე, მეხსიერების, ყურადღების გაფანტულობა, დეპრესია, შფოთვის მომატება და ასე შემდეგ.
შეგახსენებთ, რომ 27 ოქტომბერს, „ალტერნატივა ჯორჯიამ“ ევროკავშირის ფინანსური მხარდაჭერით ფსიქოაქტიური ნივთიერებების შესახებ ინფორმირებულობის ამაღლებაზე მიმართულ ღონისძიება გამართა.
ღონისძიების დროს სკოლის მოსწავლეებს, მასწავლებლებს, მშობლებს და სხვა დაინტერესებულ პირებს შესაძლებლობა ჰქონდათ, დაესვათ შეკითხვები ნარკოტიკული საშუალებების მოხმარებასთან დაკავშირებით, რომელზეც დარგის ექსპერტებმა სამეცნიერო მტკიცებულებებზე დაფუძნებულ პასუხები გასცეს.
შეხვედრას მოდერაციას უწევდა ილიაუნის ასოცირებული პროფესორი და ნარკოლოგი დავით ოთიაშვილი;