საქართველოს პრეზიდენტის მიხეილ სააკაშვილის განცხადებით, ომის მიუხედავად ქვეყნის ეკონომიკამ დინამიკის შენარჩუნება შეძლო.
"ჩვენს ეკონომიკაში წინსვლა შეინიშნება. განვითარების გზაზე ამ კუთხით ქვეყნის რეიტინგი მკვეთრად ზემოთ აიწია. ჩვენ დიდ იმედებს ვამყარებთ ფოთის პორტის და თავისუფალი ინდუსტრიული ზონის განვითარებაზე, რომლის პრეზენტაციაც დღეს აქ მოხდა. საქართველო ახლა სწრაფად ვითარდება. ევროკავშირმა ომის შემდეგ რამდენიმე მილიონი ევრო გამოგვიყო. ამ თანხით საბჭოთა სივრცეში ყველაზე თანამედროვე ინფრასტრუქტურას ვაშენებთ, მათ შორის რამდენიმე ავტობანს, ელექტროგადამცემ ხაზს და ა.შ", - განაცხადა მიხეილ სააკაშვილმა საქართველო-უკრაინის ეკონომიკურ ფორუმზე სიტყვით გამოსვლისას.
ამასთან, მისივე განმარტებით, აღმოსავლეთ ევროპაში საქართველო ენერგოუზრუნვეყოფით პირველ ადგილზეა.
შეგახსენებთ, რომ მიხეილ სააკაშვილის ორდღიანი სამუშაო ვიზიტი უკრაინაში დღეს სრულდება.
