მესტიის მაჟორიტარი დეპუტატი კახა კვიციანი მთავრობას მესტიაში მეგზევეებისთვის ხელფასის დარიგების პრობლემის მოგვარებას სთხოვს.
ამის შესახებ განცხადება კვიციანმა დღეს სესიაზე 2009 წლის ბიუჯეტში ცვლილების შეტანის პროექტის განხილვისას გააკეთა.
როგორც კვიციანმა განაცხადა, მესტიაში გზის მშენებლობა მიმდინარეობს, თუმცა ორი თვეა ხელფასები არ დარიგებულა.
დეპუტატმა ფინანსთა მინისტრს სთხოვა ამ პრობლემის მიზეზები განემარტა.
ფინანსთა მინისტრ კახა ბაინდურაშვილის განცხადებით კი, ხელფასის შეფერხება ნამდვილად არ უნდა უკავშირდებოდეს მიმდინარ წლის სახელმწიოფ ბიუჯეტში ცვლილებებს.
მინისტრი მესტიის მაჟორიტარს დაპირდა, რომ ხელფასების შეფერხების მიზეზებს დღის ბოლომდე აუცილებლად გაარკვევს.
