მრცხვენია, რომ ხმა მივეცი, ბოდიშს ვუხდი საზოგადოებას - ამბობს ქადაგებისას ჭყონდიდის მიტროპოლიტი მეუფე სტეფანე საქართველოს პრეზიდენტ სალომე ზურაბიშვილთან დაკავშირებით.
"მე მრცხვენია, ბოდიშს ვუხდი ჩვენს საზოგადოებას, რომ მე სალომე ზურაბიშვილს ხმა მივეცი. ეს არის ჩემი სირცხვილი, ვერ გავითვალისწინე, რომ შედეგი რა იქნებოდა. სხვისთვის არავისთვის ასეთი მიმართულებით არ მიმიცია ხმა, ამას მივეცი თითქოს და რაღაც, ნუ რა ვიცი, წმინდა ნინოს გზაზე ავიდა, ჯვარი ეჭირა და ვიფიქრე, რომ ესეთი რაღაც, კი ბატონო. მერე დღეს დაიწყო უკვე ლაპარაკი, რომ ესე იგი, საჭირო არის გეიპარადები და ფერად-ფერადი ცხოვრება. ეს ფერად-ფერადი ცხოვრება იმ 12 პუნქტში პირდაპირ წერია, რომ ჩვენ აუცილებლად ეს უნდა ვაღიაროთ და ყველა ვინც ხმას ამოიღებს, უნდა მოიშთოს. ეკლესიის მიმართაც არის ეს. ეკლესია არასოდეს არ შეეგუება", - ამბობს მიტროპოლიტი.
