სანამ ივანიშვილის არარაობებს ძალაუფლება აქვთ, ქვეყანას ჭაობიდან ვერ ამოვიყვანთ - აცხადებს "ევროპული საქართველოს" თავმჯდომარე გიგა ბოკერია.
ბოკერიას თქმით, საქართველოს ევროპული მომავალი შეუთავსებელია ივანიშვილის ძალაუფლებასთან.
"არავის უნდა გვქონდეს იმის ილუზია, რომ სანამ ივანიშვილს და მის პოლიტიკური არარაობების გარემოცვას ძალაუფლება აქვთ, მანამ შესაძლებელი იქნება ქვეყნის ამ ჭაობიდან ამოყვანა და ამ ისტორიული შანსის გამოყენება. მხოლოდ მათი დამარცხების და არსებითად მორყევის შემთხვევაში იქნება შესაძლებელი, რომ ჩვენ გადავდგათ ნაბიჯი წინ, ქვეყნის უსაფრთხოებისთვის და ქვეყნის გარეთ და ამისთვის საჭიროა, რომ რაც შეიძლება მეტი მოქალაქე დავარწმუნოთ, რომ ჩვენი ქვეყნის ევროპული მომავალი, თავისუფლება და უსაფრთხოება არის შეუთავსებელი ივანიშვილის და მისი არარაობების ძალაუფლებასთან და მეორე, ამავე ბრძოლაში არ დავემსგავსოთ მათ", - თქვა ბოკერიამ.
