სასჯელაღსრულების დაწესებულებში ვიდეოპაემნების განხორცილებასთან დაკავშირებით კანონპროექტს პარლამენტის პლენარულ სხდომაზე პირველი მოსმენით 7 დეკემბერს განიხილავენ. ამის შესახებ "ჯი-ეიჩ-ენს" იურიდიული კომიტეტის წევრმა, კანონპროექტის ერთ-ერთმა ავტორმა ანდრო ალავიძემ განუცხადა.
მისი თქმით, აღნიშნული კანონპროექტზე კომიტეტებში უკვე იმსჯელეს და უახლოეს პლენარულ სხდომაზე პირველი მოსმენით გაიტანენ.
როგორც ცნობილია, 2011 წლის 1-ლი იანვრიდან პატიმრები ვიდეოპაემნებით ისარგებლებენ.
"მათ, ვისაც სურვილი ექნება მსჯავრდებულთან ვიდეოპაემანი განახორციელოს, სასჯელაღსრულების ბიუროს შესაბამისი განცხადებით უნდა მიმართოს. საკითხს სამინისტროში განიხილავენ და პატიმრის თანხმობის შემთხვევაში, ვიდეოპაემანი შედგება", - განმარტა ალავიძემ.
მისი თქმით, პატიმრებსა და მათ ახლობლებს ვიდეოპაემნებით სარგებლობა თვეში მაქსიმუმ 8-ჯერ შეეძლებათ და ის 15-წუთიანი იქნება.
"ვიდეოპაემნებით სარგებლობის უფლება არ მიეცემათ განსაკუთრებით მძიმე დანაშაულისთვის ბრალდებულებს, რომლებსაც 10- და მეტწლიანი პატიმრობა აქვთ მისჯილი", - დასძინა დეპუტატმა.
