ბრიუსელში, ჩრდილოატლანტიკური ალიანსის შტაბ-ბინაში წევრი ქვეყნების ელჩებმა და ფინეთისა და შვედეთის საგარეო საქმეთა მინისტრებმა ნატო-ში გაწევრიანების პროტოკოლებს მოაწერეს ხელი.
პროტოკოლების ხელმოწერა გზას უხნის ამ ორი ქვეყნის უდიდეს სამხედრო ალიანსი გაწევრიანების რატიფიცირების პროცესის დაწყებას.
"დღეს ჩვენ ოფიციალურად მოვაწერეთ ხელი გაწევრიანების პროტოკოლებს. ეს ნიშნავს რატიფიკაციის პროცესის დაწყებას", - განაცხადა სტოლტენბერგმა.
ახლა უკვე, ორივე ქვეყანას შეეძლება მონაწილეობა მიიღოს ჩრდილოატლანტიკური ალიანსის ყველა შეხვედრაში, მაგრამ ჯერჯერობით ხმის მიცემის უფლების გარეშე.
ფინეთისა და შვედეთის ალიანსში გაწევრიანება საბოლოოდ დასრულდება მას შემდეგ, რაც წევრი ქვეყნების პარლამენტები პროტოკოლების რატიფიცირებას მოახდენენ. ამ პროცესს შესაძლოა ექვსიდან რვა თვემდე დასჭირდეს.
მოელიან, რომ გერმანიის ბუნდესტაგი ამ კვირაში მოახდეს პროტოკოლების რატიფიცირებას.
29 ივნისს ნატომ ოფიციალურად მიიწვია შვედეთი და ფინეთი ალიანსში გასაწევრიანებლად.
უკრაინაში რუსეთის მიერ გაჩარებული ომის ფონზე, შვედეთმა და ფინეთმა ნატოში გაწევრიანების განაცხადები ბრიუსელში 18 მაისს წარადგინეს. თავდაპირველად, თურქეთმა განცხადებების განხილვის პროცესი დაბლოკა, თუმცა მოგვიანებით ვეტო მოხსნა.
