თურქეთში მაიმუნის ყვავილის პირველი შემთხვევა დადასტურდა. როგორც თურქული მედია წერს, ქვეყნის ჯანდაცვის მინისტრმა ფაჰრეთინ კოჩამ განაცხადა, რომ თურქეთმა მაიმუნის ყვავილის პირველი შემთხვევა დაადასტურა.

დღეისათვის მსოფლიოში აღრიცხულია მაიმუნის ყვავილის 4100-ზე მეტი შემთხვევა.

ჯანმრთელობის მსოფლიო ორგანიზაციის (ჯანმო) ინიცირებით, მიმდინარე კვირაში შეიკრიბა ჯანმრთელობის საერთაშორისო წესების საგანგებო კომიტეტი (IHR 2005 Emergency Committee) მაიმუნის ყვავილით გამოწვეული ეპიდ-აფეთქვების ანალიზის, საზოგადოებრივი ჯანმრთელობის გლობალური რისკის შეფასებისა და შემდგომი რეაგირებისთვის.

25 ივნისის გადაწყვეტილებით, ჯანმრთელობის მსოფლიო ორგანიზაცია ამ ეტაპზე მაიმუნის ყვავილის გავრცელებით გამოწვეულ აფეთქებას არ ანიჭებს საზოგადოებრივი ჯანმრთელობის საერთაშორისო საგანგებო მდგომარეობის სტატუსს (Public Health Emergency of International Concern).

ჯანმრთელობის მსოფლიო ორგანიზაცია აგრძელებს მიმდინარე ეპიდ-აფეთქების ინტენსიურ თვალყურის დევნებასა და რისკების შეფასებას. არსებული მდგომარეობის ცვლილების შემთხვევაში გადაწყვეტილება განახლდება საჭიროების შესაბამისად.

ჯანმო რეკომენდაციას უწევს შესაბამისი საზოგადოებრივი ჯანმრთელობის პრევენციული ღონისძიებების დაცვას.

ჯანმრთელობის მსოფლიო ორგანიზაციის გადაწყვეტილებას სრულად გაეცანით https://cutt.ly/QKP9BHc

ჯანმრთელობის მსოფლიო ორგანიზაციის გენერალური დირექტორის მიმართვას წევრ სახელმწიფოებსა და

საგანგებო კომიტეტს სრულად გაეცანით https://cutt.ly/IKIIiQK

მაიმუნის ყვავილის შესახებ ამომწურავ ინფორმაციას გაეცანით https://cutt.ly/7KIIsR